મંગલમ્/ચાર પ્રહર તમે
Jump to navigation
Jump to search
ચાર પ્રહર તમે
ચાર પ્રહર તમે ધંધો કરોને વા’લા,
ભાવ ભગતના ધણી મારા બંદા,
હે… એક ઘડી રે તમે રામ સંભારો જી.
આ રે દેવળમાં એક દેવ બિરાજે વા’લા,
દેવળ સલૂણું દીસે મારા બંદા;
ઊડી ગયો જ્યારે દેવળનો દેવતા,
દેવળ તો સૂમસામ દીસે મારા બંદા,
હે… એક ઘડી રે તમે રામ સંભારો જી.
આ રે વાડીમાં એક ભ્રમર બિરાજે વા’લા,
વાડી સલૂણી દીસે મારા બંદા;
ઊડી ગયો જ્યારે વાડીનો ભમરો,
વાડી તો સૂમસામ દીસે મારા બંદા.
હે… એક ઘડી રે તમે રામ સંભારો જી.