મંગલમ્/જૂનું તો થયું રે
Jump to navigation
Jump to search
જૂનું તો થયું રે
જૂનું તો થયું રે દેવળ જૂનું તો થયું,
મારો હંસલો નાનો ને દેવળ જૂનું તો થયું.
આ રે કાયા રે હંસા, ડોલવાને લાગી રે,
પડી ગયા દાંત, માંયલી રેખું તો રહ્યું…મારો.
તારે ને મારે હંસા, પ્રીત્યું બંધાણી રે,
ઊડી ગયો હંસ, પીંજર પડી તો રહ્યું…મારો.
બાઈ મીરાં કહે પ્રભુ, ગિરિધરના ગુણ.
પ્રેમનો પ્યાલો, તમને પાઉં ને પીઉં…મારો.
— મીરાંબાઈ