મંગલમ્/સફાઈ ગીત

સફાઈ ગીત

ચાલો ઊઠોને આજ કરીએ સફાઈ,
નાનાં ને મોટાં, બહેનો ને ભાઈ!
કચરાનો પાર નહિ, પૂંજો અપાર અહીં;
ભૂંડું તે ભૂખ જેવું ના રે સહેવાય! ⁠ચાલો…
આંગણિયાં વાળીએ, શેરીઓ ઉજાળીએ,
રંગોળી રંગ ઘેર ઘેર સોહાય! ચાલો…
અમે અમારા, ભંગી થનારા
ખંખેરી નાખી ખોટી મોટાઈ! ચાલો…
માતા બધાંની, ભંગી સદાની;
તોયે એની રજ માથે લેવાય! ચાલો…
વાયુ યે ભંગી, વરસાદે ભંગી,
મોટા ભંગી દાદા સૂરજ સોહાય! ચાલો…
અંધારાં વાળવાં, અજવાળાં વેરવાં,
સાચો ધરમ એ સાચી મોટાઈ! ચાલો…

— ચિમનલાલ ભટ્ટ