મંગલમ્/ગામ ગામ ઘૂમી બધે ગાંધીનાં ગીત

ગામ ગામ ઘૂમી બધે ગાંધીનાં ગીત

---

卐

ગામ ગામ ઘૂમી બધે ગાંધીનાં ગીત
卐

---

ગામ ગામ ઘૂમી બધે,
ગાંધીનાં ગીત ગાઈ,
ચરખાને પાયે અમે ૨ચશું સમાજ! — ગામ૦

સર્વોદય ધ્યેય દૃષ્ટિ સામે રહેશે સદા,
શોષણનો અન્ત, નીતિ ન્યાય કેરી સ્થાપના;
અમે માનવનાં મૂલ્યોને અજવાળી સૂરજ શાં
બંધુભાવનો બધે કરશું પ્રકાશ! — ગામ૦

સ્વાવલંબી ગામ અને સહકારી શ્રમ વિભાગ,
પંચાયત રાજ, અહિંસક હો સમાજ ઘાટ;
અમે માનવનાં મૂલ્યોને વિકસાવી ભારતમાં
સાચી સ્વતંત્રતાનું રેલવશું, ભાન! — ગામ૦

ગાંધીનું સ્વપ્ન અમે જીવતું કરીશું,
રામ કેરું રાજ્ય ફરી રમતું કરીશું,
ન્યાતવિહીન, વર્ગવિહીન,
હિંસાહીન સ્વર્ગ સમો
ભાવના સુગંધ ભર્યો રચશું સમાજ! — ગામ૦

— કુલીન પંડ્યા