સાહિત્ય પલ્લવ – ભાગ ૩/બાઈ, અમે પકડી આંબલિયાની ડાળ રે

૧. બાઈ, અમે પકડી આંબલિયાની ડાળ રે

મીરાંબાઈ

બાઈ અમે પકડી આંબલિયાની ડાળ રે,
⁠જંગલ માંહી એકલી હો જી.
ઓતર દખણથી ચડી એક વાદળી રે વરસ્યા બારે મેઘ રે,
⁠બીજાને મારે આખડી હો જી.
નદી રે કિનારે બેઠો એક બગલો રે, હંસલો જાણી કીધી પ્રીત રે,
⁠મુંઢામાં ઝાલી માછલી હો જી.
ફૂલનો પછેડો ઓઢું પ્રેમઘાટડી રે, બાઈ, મારો શામળિયો ભરથાર રે,
⁠બીજાને મારી ચુંદડી હો જી.
બાઈ મીરાં કહે પ્રભુ ગિરધરના ગુણ, બાઈ, મારો પિયુડો પરદેશ રે,
⁠ફરુકે મારી આંખડી હો જી.