હયાતી/૪૦. બહેલાવી સાંભળો

૪૦. બહેલાવી સાંભળો

એ ક્યાં અમારી જિદ્દ કે ગઝલ આખી સાંભળો,
આ બે વચનમાં વાત જે તમારી સાંભળો.

કહે છે વ્યથાની ધાર હવે વાગતી નથી,
આ વેદનાની વાત દાદ આપી સાંભળો.

ચાલો, સમયની પાર જવા હક નહીં કરું.
મુજને તમારી ખૂબ નિકટ રાખી સાંભળો.

એ પણ મિલનનું સ્થાન હવે લઈ શકે, સ્વજન,
મારી ગઝલને યાદમાં બહેલાવી સાંભળો.

આ શું કે શૂન્ય આંખે ફક્ત સાંભળ્યા કરો,
થોડું ઘણું આ મનનેયે સમજાવી સાંભળો.

૨૦–૫–૧૯૭૧