બહુરંગી/બૉડી - ધ મિરેકલ એન્ડ મોબાઇલ કિટ: Difference between revisions

{{SetTitle}}

{{Poem2Open}}

ગગનચુંબી ‘આકાશ’ ટાવરમાં બિરાજમાન સદરહુ શ્રી ‘ભગવાનભાઈ’નો બાબો બાર સાયન્સમાં જાતમહેનતથી બોર્ડમાં ફર્સ્ટ આવ્યો'તો એની ખુશીમાં શ્રીમાન ‘ભગવાનભાઈ' આજીવન (પોતે જીવે ત્યાં સુધી) પ્રત્યેક નવજાત માણસને બર્થ-ડે ગિફ્ટમાં બૉડી કિટ આપ્યા કરે છે. આ કિટમાં આપમેળે કામ કર્યા કરતા હૃદય, ફેફસાં જેવા જાદુઈ અવયવો પણ હોય છે અને જ્ઞાતિજનો જેવા સ્વેચ્છાએ ફરજ બજાવતા હાથ-પગ જેવા અવયવોય છે. આ કિટનું મેન્યુફેક્ચરિંગ ભગવાને જાતે કરેલું છે. આ બૉડી કિટ બનાવ્યા પછી અકથ્ય થાકને કારણે ભગવાને વી.આર.એસ. લઈ લીધું છે. તેથી હવે એમનો કોઈ ભાવ પૂછતું નથી! આ કિટ બનાવવામાં ભગવાને પોતાની હતી એટલી બધી બુદ્ધિ વાપરી નાંખી હોવાથી જાતે દુઃખી થતા લોકો ‘ભગવાન કંઈ કરતા નથી' એમ પણ કહી દે છે.