યુરોપ-અનુભવ/એફિલ: Difference between revisions

એ પછી બીજો મિનારો તે પિસાનો ઢળતો મિનારો. એ વિષે અગાઉ વાત કરી છે અને ત્રીજો મિનાર તે પૅરિસનો પ્રસિદ્ધ એફિલ ટાવર. નોત્રદામથી અમે એફિલ ભણી ગયાં. નજીક જતાં જઈએ તેમ એની વિરાટતાનો ખ્યાલ આવે. વિશ્વભરના પ્રવાસીઓ માટે એફિલનું અજબ આકર્ષણ છે. આમ જુઓ તો જોવાનું કશું છે નહિ, છે માત્ર એક લોખંડી સ્ટ્રક્ચર. યુવાન ગાંધીએ તો એને એકદમ ઉતારી પાડ્યું છે.

પણ એ ચઢવાનું થકવે એવું હતું. ખબર નહોતી કે, આટલું બધું ચઢવું પડશે. એફિલના બીજા માળે પહોંચતાં શ્વાસ ચઢી ગયો. ત્યાં ઊભા રહી પછી પૅરિસનગરનું દર્શન કર્યું. આખું પૅરિસ જાણે નજર સામે પથરાઇને પડ્યું હતું. એક તરફ સેન નદી વહી જતી હતી, દૂર મોં માર્ત્રની ટેકરી પરનું ચર્ચ સૌથી ઊંચાઈએ ઊભું હતું. વચ્ચે વિજયતોરણ – આર્ટ ઑફ ટ્રાયમ્ફની કમાન હતી અને નજીકમાં નોત્રદામ. જાણે આ નગરી અત્યારે તડકામાં ખુલ્લી સ્નાન કરી રહી છે! અદ્ભુત લાગે છે!

અલબત્ત સેન તો ખરી જ, નગરને વીંધતી.

ટાવર પરથી નીચે લિફ્ટમાં ઊતરતાં વાર ન લાગી. અમે પછી સેનને કિનારે કિનારે કૉનકોર્ડ તરફ ચાલ્યાં. વૃક્ષોછાયા માર્ગે નદી વહે છે. નદીમાં નૌકાઓ પસાર થતી હતી. કોનકોર્ડ થઈ અમારે જવું હતું પૅરિસના પ્રખ્યાત માર્ગ —

આ માર્ગ પર ચાલવાનો ઉમંગ હતો, પણ અમને ભારે તરસ લાગી હતી. જ્યૂસ પીધા પછી પણ ઇચ્છા તો ઘડો ભરીને પાણી પીવાની થતી હતી. અમે વૃક્ષોછાયા માર્ગે થઈ શાંઝલિઝે પર ચાલવા લાગ્યાં. ત્યાં આવ્યો એક ઠંડા પાણીનો ફુવારો. બધાંએ ધરાઇને પાણી પીધું. વિરાટ રાજમાર્ગ પર વેગથી વાહનો દોડી રહ્યાં હતાં, અમે તો વૃક્ષોની છાયામાં ચાલવાના પહોળા માર્ગ પર ચાલતાં ચાલતાં વિજયતોરણ – આર્ટ દ ત્રિઑંફ આગળ આવ્યાં. ત્યાં ઊભાં રહી ગયાં. સાંજના ૬-૩૦ થયા હતા. ફ્રાન્સ આખું જાણે ધબકતું અનુભવાતું હતું આ રાજમાર્ગ પર. સામે અનેક ઇમારતો હતી.

અમે પૂછ્યું : હવે અત્યારે?

અમે કહ્યું : પણ અમે કેવી રીતે ત્યાં જઈએ?