કાવ્ય-આચમન શ્રેણી – ઝવેરચંદ મેઘાણી/૪૪. માતા, તારો બેટડો આવે!: Difference between revisions

આશાહીન એકલો આવે.

જો જો! મારો બેટડો આવે:

સંદેશાઓ ખેપિયા લાવે.

એવો કોઈ માનવી આવે:

ભેળાં કાળ-નોતરાં લાવે. – માતાo

હૈયે તારે બાંધ હિંડોળા:

મોભી મારો ખાય બે ઝોલા. – માતાo

પ્રેમેથી પાહુલિયા ધોજે!

આછે આછે વાયરે લ્હોજે! – માતાo

ત્યાંયે આજે આગ લાગી છે:

ધુંવાધાર તોપ દાગી છે. – માતાo

ઠાલાં નવ ઢોળશો પાણી!

ના ના એની વેદના નાની. – માતાo

એવી ક્રોડ આપદા ધીકે,

છાની એની છાતડી નીચે. – માતાo

પારધીનાં પિંજરાં ખાલી:

હંસો મારો નીકળ્યો હાલી. – માતાo

આઠે પો’ર જાગતી આંખે

બેઠો તું તો દીવડે ઝાંખે. – માતાo

બેટા! તું તો પોયણું નાનું:

ઊભું એક અણભીંજાણું. – માતાo

ચૂમી ચૂમી છાતીએ ચાંપ્યાં:

બંધુતાના બોલડા આપ્યા. — માતાo

ડંખે ડંખે દૂધની ધારા

રેલી તારા દેહથી, પ્યારા! — માતાo

આજે અધિકાઈ મેં દેખી:

બેટાઓએ માતને પીંખી! — માતાo

તારી એ અતાગ સબૂરી

શોષી લીધી વેરીએ પૂરી. — માતાo

કડકડતાં તેલ તેં પીધાં:

ગાળી ગાળી લોહ પણ પીધાં. — માતાo

વાવાઝોડાં કાળનાં વાશે,

તે દી તારી વાટ જોવાશે. — માતાo

ખંડેખંડ બોળશે લાવા:

ભૂકમ્પોના ગાજશે પાવા. — માતાo

શાદૂળા ને સાંઢ માતેલા

ઢૂંગે ઢૂંગે ભાગશે ભેળા. — માતાo

બેઠી હું તો દીવડો બાળું:

ક્યારે એના ગાલ પંપાળું! — માતાo

બેટા! તારી ખાકની ઝોળી

માતા કેરે મન અમોલી. — માતાo

ગાંધીજી હતાશ હૈયે ગોળમેજીમાંથી વળતા હતા તે અરસામાં રચાયું. સ્વતંત્ર — સિવાય કે બે કડીઓની ઉપમાઓ રાણા પ્રતાપને સંબોધાયેલ ચારણી કાવ્ય ‘બિરૂદ છહુતેરી’માંથી ઉઠાવી છેઃ