ગુજરાતી એકાંકીસંપદા/ઝાંઝવાં: Difference between revisions

{{SetTitle}}

{{Poem2Open}}

(સાક્ષરશ્રી જગતપ્રસાદ નિમગ્ન ચિત્તે કંઈક વાંચતા જણાય છે. વય ૫૦થી ૭૫ વચ્ચે ગમે તે હોવા સંભવ છે. ગાલના ખાડા સૂચવે છે કે ૬૫ ઉપરાંત હશે; કપાળની કરચલી કહે છે કે ૬૦થી વિશેષ ન હોઈ શકે. એટલે ૬૧થી ૬૪ વચ્ચેનું જ હોવું જોઈએ. પણ ના, જન્માક્ષર પ્રમાણે ૫૮મું ઊતરવા આવ્યું છે. કોઠાર કે રસોડાનો ખ્યાલ આપે એવા ઓરડામાં, મનમાં એને દીવાનખાનું માનીને, એઓ બેઠા છે. નાનું ટબેલ, સાદી ખુરશી છે. સાધારણ સગડી છે. કાગળ છે, કલમ છે, કોલસા છે.

આંખે નહિ જ, કપાળે ચડાવેલાં ચશ્માંમાંથી એમનું વ્યક્તિત્વ તરવરી આવે છે.)

(ખૂની કટાર સમી નજરે એઓ ચોપાનિયાના પૂંઠાનું નિરીક્ષણ કરે છે.)

(ચીડમાં ને ચીડમાં જગત ‘રાજહંસ’ને દૂરસુદૂર ફેંકી દે છે. જુવાનીમાં ઝોલાં ખાતો વિહારી પ્રવેશે છે. નોધારાને આધાર મળ્યાના આનંદથી)

(ચિંતા શબ્દ સાંભળતાં વિહારીને ચિંતા સાંભરે છે. ખભે હાથ મૂકી)

જગતપ્રસાદઃ (અનેરી આશામાં) હેંએ? શું કહ્યું?

વિહારીઃ વરસ પછી તમને સાઠ થશે. સમસ્ત ગુજરાત ત્યારે તમારો મણિમહોત્સવ ઊજવે એ તમારી આશા છે – એટલે કે મારી અંતરની અભિલાષા છે.