ગુજરાતી એકાંકીસંપદા/ડીમ લાઇટ: Difference between revisions

લખમણઃ જેટલું કર્યું છ એટલું અવડ છ.

રામુઃ તો લે આ વાયર દાંતથી કાપી આલ.

લખમણઃ ભૂલી જ્યા તે દાડો ગડદો મેલીનં મારો એક દાંત તો ભાજી નાંશ્યો છ! હારું થ્યું. એક દાંત જ્યો પણ મું એ દાડાથી લેણમાં આઈ જ્યો!

રામુઃ લેણ નં બેણ, બધું હમજ્યા મારા ભૈ. અઈં તો જેનં આવળ્યું એ ફાયા. પેલા પાટલીઓ બદલનારા વગર મફતના લેર નહીં કરતા? અનં દિયોર છાપાંમાં ફોટા આવં એ તો વધારામાં.

લખમણઃ તમે રાંમભઈ, પેલો પરધાંનભાભીનો ફોટો પડાએલો એ ચ્યાં મૂચ્યો છ?  

રામુઃ મઢાઈનં ઓયડામાં ભરાયો છે.

લખમણઃ મું જરા જોઈ આવું.

રામુઃ ફોટા જોયા વના તારી ભાભીનં જ જોજેનં. લાય તારી પાહેણ ચપ્પું વોય તો.

લખમણઃ આ વાયર કાપવા તો પક્કડ જોવે.

રામુઃ પક્કડ નં બક્કડ, હાથથી જ તોડી નાખું. (વાયર તોડવા બેઉ હાથે પકડીને ખેંચે છે.) અલ્યા આ તો તૂટતો જ નથી. લે પકડ, આપણ બે ખેંચીએ. (બંને જણા ખેંચે છે.) ખેંચ જોરથી, હં, હજી!

લખમણઃ મારી અથેલીમાં પેહી જ્યો!

રામુઃ તો લોઈ ચેમ ના આયું?

લખમણઃ લોઈ બાર આવવાને બદલે માંય પેહી જ્યું! રેવા દો, નઈ તૂટે!

રામુઃ (બેઉ હાથે જોરથી ખેંચતાં) દિયોર લાંબો થ્યો પણ તૂટ્યો નઈ, મેડીન ઈન્ડિયા લાગ છ! જા, મારા ઘરમાંથી ચપ્પુ ક છરી લઈ આય. અનં કશું ના જડે તો ધારિયું ક કુવાડી લઈ આય. આંનં આજ કાપ્યા વના મેલવો નહીં.

પ્રધાનઃ આ ઘરમાં ધારિયું ચ્યાં અતું તે તમીં લખાભૈનં લેવા મોકલ્યા?

રામુઃ (ટેબલ પર ઊભા ઊભા) દારિયું નઈ તો તારી જીભ તો અતીનં? એ વધારે ધારદાર છે!

પ્રધાનઃ અવં વાંકું બોલ્યા વના માંચી પરથી નેચા ઊતરાં, નઈ તો પડશાં તો આથપગ રંગઈ જશં.

રામુઃ તો તું તારો હાલ્લો ફાડીનં પાટો બાંધજે.

પ્રધાનઃ ફાડવા માટે લાઈ લાઇનં પેટી ભરી આલી નઈ વોય?