કાવ્ય-આચમન શ્રેણી – હરિકૃષ્ણ પાઠક/૩૪. જળની ઝીણી મહેક

૩૪. જળની ઝીણી મહેક

જળની ઝીણી લહેર સમી તું પળમાં સરી ગઈ,
રાતરાણીની મહેકથી મારા મનને ભરી ગઈ.

આંખને ખૂણે એવડું તે શું જોયું;
એક ઘડીમાં કેવડું મલક મોહ્યું!

ધીખતી મરુભોમમાં શ્રાવણ-વાદળી ઝરી ગઈ;
રાતરાણીની લે’રખી જાણે જળમાં ભળી ગઈ.

સપનાં જાણે સામટાં મળ્યાં ટોળે;
સાવ કુંવારા ઓરતા એવું કોળે.

હૈયું ચૂક્યું થડકારો – જ્યાં આંખ બે ઢળી ગઈ,
જળની ઝીણી મહેક તો મારા મનને હરી ગઈ.
(જળમાં લખવાં નામ, પૃ. ૧૭૭)