ગુજરાતી અછાંદસ કવિતા-સંપદા/વૃક્ષ

વૃક્ષ
રમેશ આચાર્ય

વાહનો આવતાં જોઈ
વૃક્ષોએ વનમાં
રસ્તો કરી આપ્યો
પણ હવે એ
આઘાં ખસી શકશે નહિ,
સડકની બંને બાજુએ
ખાઈ ખોદેલી છે.

• 
  

વૃક્ષને છેદો તો
એમાંથી નીકળે વૃક્ષ,
વૃક્ષને કાપો ને
રોપાઈ જાય વૃક્ષ;
વૃક્ષને બાળો ત્યાં
ઊગી જાય વૃક્ષ.

• 
  

વૃક્ષ,
હું અહીં ઊભો છું.
તું કંટાળી ગયું હોય તો
પેલી ખિસકોલીને
મારા શરીર પર
સંતાકૂકડી રમવાનું કહે.

• 
  

હું બેઠો છું
વૃક્ષનું ખેાડીબારું પલાણીને,
ને વૃક્ષ તો
ઊંચે વધતું જાય છે.