બાળ કાવ્ય સંપદા/દાદીને રસગુલ્લે તોલો

દાદીને રસગુલ્લે તોલો

લેખક : ઉદયન ઠક્કર
(1955)

અહીંયાં પણ ગોતો, ને તહીંયાં પણ ગોતો
⁠ક્યાંય નથી દાદીનો જોટો રે
ચંપો-ચમેલી નથી, જાઈ નથી, જૂઈ નથી,
⁠દાદી તો હસતો ગલગોટો રે !

દાદીની કિંમતને આંકવી જો હોય, તો
⁠દાદીને રસગુલ્લે તોલ્લો રે !
દાદી જો આવે તો તાજગીયે આવે
⁠દાદી તો વાયરાનો ઝોલ્લો રે

ઊઠતાંયે થાકે ને બેસતાંયે થાકે
⁠મેમસા’બ તો તકલાદી રે
ડાકલિયું બોખું ને દલ્લ સાવ ચોખું
⁠આખરે તો કોની એ દાદી રે !

ઘરમાં જે મ્હેક છે એ દાદીની મ્હેક છે
⁠દાદી તો અત્તરની બાટલી રે !
દાદીના માનમાં રે કાઢીશું મોરચા
⁠મારીશું ઈસ્કૂલમાં ગાટલી રે !

છોકરાંવનાં ખાનગી દખસુખ પણ જાણતી
⁠સી.આઈ.ડી. છે ? કે છે દાદી રે ?
કોઈ કોઈ રાતમાં, કહે વાતવાતમાં
⁠“મેં તો જાવાની ટિકિટ ફાડી રે...