બરફનાં પંખી/આડી બિલાડી એક ઉતરી
Jump to navigation
Jump to search
આડી બિલાડી એક ઊતરી
કોઈ દિ’ નહીં ને ભાઈ નોકરીએ ચાલ્યા
ને આડી બિલાડી એક ઊતરી.
મારગમાં મોગરાનું ઊઘડેલું ફૂલ જોઈ
લેંઘામાં રામ રહ્યા મૂતરી
પાછી ફરેલ કોઈ વાણીની જેમ
અમે ભાંગીને પડી ગયા હેઠા
નાગાબાવાને ઘેર દરજી બેસેને
એમ પંડિતજી ઓસરીમાં બેઠા
ચીકુની છાલ જેવી ચામડી ઓઢીને
અમે છટકીને આમતેમ ભાગતા
કામગરા માણસના ટોળામાં ચર્ચાતી
નવરાની વાત સમા લાગતા
કોઈ દિ’ નહીં ને ભાઈ નોકરીએ ચાલ્યા
ને આડી બિલાડી એક ઊતરી
મારગમાં મોગરાનું ઉઘડેલું ફૂલ જોઈ
લેંઘામાં રામ રહ્યા મૂતરી
***