ગુજરાતી ટૂંકી વાર્તાકોશ/ક/કાંચન અને ગેરુ

કાંચન અને ગેરુ

રમણલાલ વ. દેસાઈ

કાંચન અને ગેરુ (રમણલાલ વ. દેસાઈ; ‘કાંચન અને ગેરુ’, ૧૯૫૦) એક ગુરુના શિષ્ય આનંદ અને જયંત દિગ્વિજયે નીકળે છે. આનંદ ત્યાગ દ્વારા અને જયંત ભોગ દ્વારા એ માટે મથે છે. વર્ષો પછી બંને મળે છે ત્યારે શ્રેષ્ઠી જયંતના દિગ્વિજય આડે માત્ર ચંપાનરેશની કુંવરી સાથેનું લગ્ન જ અવરોધક છે પણ કુંવરી દીક્ષા લે છે અને એ દીક્ષા આપી છે સાધુ આનંદે! કાંચન અને ગેરુના પ્રતીક દ્વારા વાર્તામાં શ્રેષ્ઠી સામેનો સાધુનો વિજય રોચક રીતે નિરૂપાયો છે.
ર.