બાળ કાવ્ય સંપદા/શ્રાવણિયો
Jump to navigation
Jump to search
શ્રાવણિયો
લેખક : સુરેશ દલાલ
(1932-2012)
આ ઝરમર જલની ધાર ઝરે,
ઝરમર ઝરમર શ્રાવણિયો;
ધરતીને ખુશ્બોદાર કરે,
ઝરમર ઝરમર શ્રાવણિયો !
આ વીજળી થૈથૈકાર કરે,
ઝરમર ઝરમર શ્રાવણિયો !
આ ઝરણાંઓ ઝંકાર કરે,
ઝરમર ઝરમર શ્રાવણિયો !
આ ભીનો ભીનો વાયુ વાય,
ઝરમર ઝરમર શ્રાવણિયો;
આ મયૂર પાગલ થઈને ગાય,
ઝરમર ઝરમર શ્રાવણિયો !
આ ફૂલ કદંબનાં ખીલ્યાં છે,
ઝરમર ઝરમર શ્રાવણિયો;
શી મેધધનુષની લીલા છે,
ઝરમર ઝરમર શ્રાવણિયો !