ચંદ્રહાસ આખ્યાન/કડવું ૧૧: Difference between revisions

તાલાવેલી લાગી પાપીને, સુણી જાચક તણાં રે વચન;

‘ગાલવિયાનું કહ્યું થાશે, દાસીનો  પરણશે તન.’

એવું સાંભળી ચાલ્યો પાપી સેના તેડી સાથ,

એવે સમાચાર પહોંત્યો, જ્યાંં કૌંતલ દેશનો નાથ.

કુલિંદ રાજા ઊઠ્યો ભડકી ધ્રૂજવા લાગ્યો આપ;

‘હવે શું થાશે રે વિધાતા, પ્રધાનનો મહાઉત્પાત.

મેં ઘણાં વરસ થયાં પાપીને નથી આપ્યું સુવર્ણ;

તે માટે જાગીને આવ્યો, હવે પમાડશે મર્ણ.  

પછે કુલિંદ કુંવરને તેડી મળવા સામો સાંચરિયો;

પિતા પુત્રને  આવતા દેખી રથથી  પ્રધાન ઊતરિયો.

ધાઈને આલિંગન દીધું, ધૃષ્ટબુદ્ધિ બોલ્યો વાણી;

‘ધન્યધન્ય કુલિંદરાજા, મે મૈત્રી તમારી જાણી.

પરમેશ્વર તુજને પ્રસન્ન થયા, પુત્ર પાંચ વર્ષનો લાવ્યો;

વાંઝીયાબાર ઉઘાડ્યું તારું, સમાચાર મુને ન કહાવ્યો.’

એહવું સાંભળીને મહારાજાનું હરખ્યું અતિશે ચિત્ત;

‘ભાગ્ય મહારું ઉદે થયું, ત્રેવડી વાધી પ્રીત.  

ગાજતેવાજતે આવ્યા ગામમાં, આપ્યા ઉત્તમ ઉતારા;

સહસ્ર એક મોકલ્યા સેવક સેવાના કરનારા.  

શાક પાક સ્વાદષ્ટિ અન્ન રાયે રસોઈ કરાવી;

સરવે મળીને ભોજન કીધું, નવ જાણે કો ભાવી.

સુભટમાત્ર સભામાં બેઠા, પ્રધાન બોલ્યો વચન;

આજ જવું પડ્યું ઉતાવળું, મને પાછાં ફરી ભોવન.

તમો પિતાપુત્ર મળવાને આવ્યા, પણ કારજ એક વીસરિયું;

ભેગા મળ્યા ને ભોજન કીધું, સુખ પામ્યે સાંભરિયું.

તમશું મુજને ગોષ્ઠ કર્યાની ઘણી હુતી ઈચ્છાય;

પણ આજ ઉતાવળું જાવું પડ્યું, મુને કૌંતલપુરની માંહ્ય.

અગોપ વાત મારા મન તણી, તે મદન પુત્રથી થાય;

પત્ર લખીને મોકલું પણ, કો એવો નથી જે જાય.

વાટમાં વાંચે નહિ એવો સાધુ તમારો તન;

પત્ર લખીને મોકલો, પુત્રને મળવા ઇચ્છે છે મદન.

એવું સાંભળીને મહારાજા સમીપ તેડાવ્યો ચંદ્રહાસ;

પિતા કહે : ‘રે પુત્ર, લેઈ પધારો મદન મિત્રની પાસ.’

કુંવર કહે : ‘રે મુને મોકલો છો વણ વિચારે, ભૂપ;

(પણ) તાત તમારું કહ્યું કરવું મારે, જો નાખો અંધારે કૂપ.’

એહવે પત્ર લખ્યું પાપીએ કૌંતલપુર નિજ ગામ :

‘સકળગુણ શિરેમણિ સુત મદન એવું નામ.

અહીં ચંદ્રહાસ મોકલ્યો છે, માન ઘણેરું દેજો;

અમો તમારા કિંકર છું, એમ કાલા થઈને કહેજો!

રૂપ ના જોશો રંગ ના જોશો ન પૂછશો ઘરસૂત્ર;

મુહ્‌ર્ત માત્રમાં વિષ દેજો : ઘણું શું લખિયે, પુત્ર?’

કપટે લખિયું કૂડું દુષ્ટે પછે પત્ર વીંટ્યું પાપી;

કહે નારદ : બોલાવ્યો સાધુ, કાગળ કરમાં આપી.

:::::::'''વલણ'''

આપી પત્ર ચંદ્રહાસને ધૃષ્ટબુદ્ધિ બોલ્યો વાણી રે :

‘રખે મારગમાં પત્ર વાંચતો! મેં કીધી છે એંધાણી રે.’

</poem>