બાળ કાવ્ય સંપદા/ખિસકોલી
Jump to navigation
Jump to search
ખિસકોલી
લેખક : ત્રિભુવન વ્યાસ
(1888-1975)
તું અહીંયાં રમવા આવ, મઝાની ખિસકોલી !
તું દોડ તને દઉં દાવ, મઝાની ખિસકોલી !
તું કેવી હસે ને રમે, મઝાની ખિસકોલી !
તારા કૂદકા તો બહુ ગમે, મઝાની ખિસકોલી !
તું જ્યારે ખિલખિલ ગાય, મઝાની ખિસકોલી !
તારી પૂંછડી ઊંચી થાય, મઝાની ખિસકોલી !
તારે અંગે સુંદર પટા, મઝાની ખિસકોલી !
તારી ખાવાની શી છટા, મઝાની ખિસકોલી !
તું ઝાડે ઝાડે ચડે, મઝાની ખિસકોલી !
કહે કેવી મઝા ત્યાં પડે, મઝાની ખિસકોલી !
બહુ ચંચળ તારી જાત, મઝાની ખિસકોલી !
તું ઉંદરભાઈની નાત, મઝાની ખિસકોલી !