બાળ કાવ્ય સંપદા/ગમે

ગમે

લેખક : વિરંચિ ત્રિવેદી
(1947)

મને ભોળાં ભૂલકાં સાથે રમવું ગમે

મને કુદરતના ખોળે ભમવું ગમે...

૧

પેલાં પંખીડાં આભમાં જાય દૂર... દૂર...⁠

મને એમની સંગાથે ઊડવું ગમે.

૨

પેલા ગાતાં ઝરણાંને જોઈ થાય મનમાં

મને એના જેવું ખળખળવું ગમે...

૩

ખરે ઊંચેરા આભથી ફ.. ફર... ફોરાં

મને મસ્તીમાં સંગે પલળવું ગમે...

૪

નભે વાદળનાં ગાભલાં પથરાયાં જોઈ

ખાઈ ગોઠીમડાં એમાં ગબડવું ગમે...

પ

પેલો કળા કરંત મોર નાચતો જોઈ

પગ ઠેકી સંગાથે મને નાચવું ગમે...

૬

પેલાં પારેવાં સંતાઈ ઘૂ.. ઘૂ.. કરે

એના તાલે તાલે મને ગુંજવું ગમે.

૭

પેલા વગડામાં કોયલ કુહૂ... કૂ... કરે

મને એની સંગાથે કુંજવું ગમે...

૮