પૂછાપૂછ
લેખક : કાન્તિ કડિયા
(1950)
ને દાદાજીને દાંત નહિ ને મોન્ટુને ના મૂછ,
નાનાં નાનાં ટેણિયાંઓ, કરતાં પૂછાપૂછ.
રોજ સવારે દાંત ઘસીને મોન્ટુ કરતો ચોખ્ખા,
દાદાજી શું ઘસે બિચ્ચારા એ તો થઈ ગ્યા બોખ્ખા !
હાથીભાઈની સૂંઢ લાંબી, ટૂંકી ટૂંકી પૂંછ,
નાનાં નાનાં ટેણિયાંઓ, કરતાં પૂછાપૂછ,
ધોળા ધોળા દાંત અને ધોળી ધોળી મૂછો
એકમેકની ઉંમર જુદી કાલા થઈ શું પૂછો ?
સૌથી પહેલાં દાંત ફૂટે, પછી ફૂટે મૂછ,
નાનાં નાનાં ટેણિયાંઓ, કરતાં પૂછાપૂછ.