બાળ કાવ્ય સંપદા/ચંદની
Jump to navigation
Jump to search
ચંદની
લેખક : પિનાકીન ઠાકોર
(1916-1995)
રમવાને આજ ચલો,
ભેરુ મારી સંગ,
ચંદનીની કળીએ
ને ચંદનીને ફૂલે
આકાશી તારલિયે
વાદળીને ફૂલે,
રમવાને આજ ચલો
ભેરુ મારી સંગ
તરવાને આજ ચલો
સાગર-તરંગ-રમવાને૦
ભરતીનાં મોજાંએ
ડુંગરની ટોચે,
ઓટ કેરાં પાણીએ
પાતાળે પહોંચે,
દરિયામાં દૂર ચલો
ડૂબકી દે અંગ,
દેખવાને આજ ચલો
રતનોના રંગ-રમવાને૦
ઝૂલીશું વીજળીને
ઝડપી હિંડોળે,
ઇન્દર-ધનુષ્યને
રંગ રંગ ઝોલે.
ઘેરી અમાસના
તારલાની સાથે;
પૂનમની ચંદનીનાં
કિરણો સંગાથે,
ભમવાને આજ ચલો
ભેરુ મારી સંગ.
ઊડવાને આજ ચલો
આભને ઉછંગ -રમવાને૦