બાળ કાવ્ય સંપદા/તારલી

તારલી

મૂળજીભાઈ પીતાંબરદાસ શાહ
(1910-1975)

તારલી રે! ચમક ચમક ચમકંતી આંખ;
તારલી રે! ફરક ફરજ ફરકંતી પાંખ.

તારલી રે! ઊઠી ઊડી આવને આનંદવા;
તારલી રે! આવ મારી સાથમાં તું ખેલવા.

આભમાંથી વરતી તું તેજને આલોકમાં;
ગરબાએ ઘૂમીએ આ અવનિના ચોકમાં.

તારલી રે! વાત મારા હૈયાની વાંચ;
તારલી રે! રૂમક ઝુમક નાચજે તું નાચ.

મોજો ઘણી ગગનમાં સુરલોકની તેં
માણી–દીઠી હૃદયની રસકુંજ ખીલી;
આવી જરા નિરખ તું અમ કુંજ લીલી,
કેવી દિસે અધિક સુંદર સ્વર્ગથી એ.

તારલી રે! એવી મારા અંતરની આશ;
તારલી રે! ખેલ આવી ગુર્જરીના રાસ.