કાવ્યમંગલા/ભરતીએ ઓટે
Revision as of 06:59, 15 September 2022 by MeghaBhavsar (talk | contribs) (Created page with "{{SetTitle}} {{Heading|ભરતીએ ઓટે|}} <poem> <center>(અંજની)</center> વહાણ તટે સવળ્યાં જળસ્પર્શે, લંગર સૌ ઉપડ્યાં, સઢ ચઢશે, ભરદરિયે નાવિક ઝૂકવશે ::::: ચઢતી ભરતીએ. પંકજદલ ઉઘડ્યાં શશિસ્પર્શે, ગાન ચકોરતણું નભ ભરશે, સ...")
ભરતીએ ઓટે
વહાણ તટે સવળ્યાં જળસ્પર્શે,
લંગર સૌ ઉપડ્યાં, સઢ ચઢશે,
ભરદરિયે નાવિક ઝૂકવશે
ચઢતી ભરતીએ.
પંકજદલ ઉઘડ્યાં શશિસ્પર્શે,
ગાન ચકોરતણું નભ ભરશે,
સાગરનું દિલ મુગ્ધ ઉછળશે,
જીવનભરતીએ.
ચંદ્રકળા થઈ અસ્ત અભાગી,
સાગરનીર ગયાં તટ ત્યાગી,
રટતાં તટતરુ ‘હા, અણરાગી !’
ઓસરતી ઓટે.
વહાણ વળ્યાં જળસફરો ખેડી,
આશ નિરાશ વિવિધ લઈ વેડી,
કોણ હવે નોતરશે કેડી
જીવનની ઓટે?
(સપ્ટેમ્બર, ૧૯૩૦)