ગુજરાતી એકાંકીસંપદા/ટેલિફોન: Difference between revisions

સંજીવઃ ચૂપ મરીશ હવે?

રેડિયોની જેમ વન-વે ફોન ન હોઈ શકે? આપણે સૂચના આપવી હોય તે આપી દેવાય. આવું કંઈ સાંભળવાનું તો નહીં!

મંજુઃ પણ તમારે ખાસ તો સંદેશા લેવાનાય હોય છે ને?

સંજીવઃ કે પછી ટેલિગ્રામની જેમ – મન પડે, તો જ જવાબ આપવાનો! આ માણસ તો આપણા ઘરમાં ઘૂસી જાય છે. પણ આપણાથી એને કંઈ થઈ શકતું નથી. ને તોય–

મંજુઃ ને તોય, એ તો સ્ટૂલ પર પગ લંબાવીને સિગરેટ ફૂંક્યા કરશે; ફોન મચડ્યા કરશે!

સંજીવઃ હા!

મંજુઃ એ આટલું ગંદું ન બોલતો હોત તો? એનો અવાજ સારો છે – ઘેરો. સ્પષ્ટ ઉચ્ચારો –

સંજીવઃ મંજુ, તું એને મળે તો?

મંજુઃ મને એવાના હાથમાં સોંપો છો? ધારો, કે એ મને –

સંજીવઃ હા, ધાર, કે એ તને–?

મંજુઃ તો પછી?