કાવ્ય-આચમન શ્રેણી – પ્રજારામ રાવળ/જ્યોતિ આભની
Jump to navigation
Jump to search
૧૦. જ્યોતિ આભની
આવો રે આવો જ્યોતિ આભની!
આ રે કાયા કેરી દીવીમાં
મારા પ્રાણની દિવેટ;
સીધી ઊભી ઊંચાં મસ્તકે
સીંચી હૈયાને હેત! આવો રે૦
આવો અજવાળાં ઊંચાં ગેબનાં,
મારો પોકારે અંધાર!
મીઠું રે મલકતી તેજલ ઝાળથી,
શિરને સ્પરશો પલવાર! આવો રે૦
અંધને આધાર ન્હોયે અંધનો;
આવો અંધના આધાર.
ભાંગો ભીડેલી વજ્જર ભોગળો,
અંજવાળાં કરો રે ઝોકાર! આવો રે૦
(‘પદ્મા’, પૃ. ૧૧૩)