કાવ્ય-આચમન શ્રેણી – રમેશ પારેખ/૪૪. — કે કાગળ હરિ લખે તો બને
Jump to navigation
Jump to search
૪૪. — કે કાગળ હરિ લખે તો બને
રમેશ પારેખ
— કે કાગળ હરિ લખે તો બને
અવર લખે તે એકે અક્ષર નથી ઊકલતા મને…
મોરપીંછનો જેના ઉપર પડછાયો ના પડિયો
શું વાંચું એ કાગળમાં જે હોય શાહીનો ખડિયો?
એ પરબીડિયું શું ખોલું જેની વાટ ન હો આંખને…
મીરાં ક્હે પ્રભુ, શ્વાસ અમારો કેવળ એક ટપાલી
નિસદિન આવે જાય લઈને થેલો ખાલી ખાલી
ચિઠ્ઠી લખતાંવેંત પહોંચશે સીધી મીરાં કને…
૨૫-૧૦-’૮૨/સોમ
(છ અક્ષરનું નામ, પૃ. ૪૨૧)