પુનશ્ચ/અસ્તિત્વ

અસ્તિત્વ

મારે તમને મારું બધું જ ધરી દેવું,
તમારે મારું બધુંય હરી લેવું.

મેં તમને મારું મન ધરી દીધું,
તમે એને હરી લીધું;

ને મેં તમને મારું વચન ધરી દીધું,
તમે એને હરી લીધું;

વળી મેં તમને મારું કર્મ પણ ધરી દીધું,
તમે એને હરી લીધું.

મેં તમને ધરી દીધું મારું નિ:શેષ વ્યક્તિત્વ,
હવે બાકી રહ્યું માત્ર એક આ મારું અસ્તિત્વ.

મારે માટે તો એને પણ ધરી દેવું અશક્ય નથી,
પણ હા, તમારે માટે એને તો હરી લેવું જ શક્ય નથી.

૨૦૦૫