બાળ કાવ્ય સંપદા/આવ રે વરસાદ
Jump to navigation
Jump to search
આવ રે વરસાદ
લેખક : વિનોદ જાની
(1935)
ધૂમધડાકે આવ્યો દોડી
વંટોળિયે વરસાદ;
સાદ પાડતા અમે નીકળીએ
આવ રે વરસાદ !
દોડી જઈએ ધૂધવે ધૂધવે
ધડ ધડ પીઠે માર સહીને
નાગાપૂગા ન્હાતાં કહીએ
આવ રે વરસાદ !
ઘર સામે ઊભેલાં વૃક્ષો
અમારી જેમ એ ન્હાય;
પાન હલાવી સાથ પુરાવે
આવ રે વરસાદ !
પશુ-પંખી ને સઘળા જીવો
ખુશ થયા દેખી વરસાદ !
પ્રસન્ન ચિત્તે ખેડૂત બોલે
આવ રે વરસાદ !