બાળ કાવ્ય સંપદા/કેવી મજા ! (૪)
Jump to navigation
Jump to search
કેવી મજા !
લેખક : જયંતીલાલ દવે
(1932)
બની જાઉં હું રાજહંસ ધોળો તો-
ઊડવાની કેવી મજા!
બની જાઉં હું દેવતાઈ ઘોડો તો
દોડવાની કેવી મજા !
બની જાઉં હું મેારલો રૂપાળો તો-
નાચવાની કેવી મજા !
બની જાઉં હું મેહુલો કાળો તો-
ગાજવાની કેવી મજા !
બની જાઉં હું પંખી નાનું તો–
ઘૂમવાની કેવી મજા !
બની જાઉં હું ફૂલડું મજાનું તો–
ઝૂમવાની કેવી મજા !
બની જાઉં હું વાદળી કાળી તો—
દોડવાની કેવી મજા !
બની જાઉં હું બાલિકા રૂપાળી તો-
ખેલવાની કેવી મજા !