બાળ કાવ્ય સંપદા/વ્હાલાં વ્હાલાં બાળકો
Jump to navigation
Jump to search
વ્હાલાં વ્હાલાં બાળકો
લેખક : ગણેશ સિંધવ બાદલ
(1940)
વ્હાલાં વ્હાલાં બાળકો,
નાનાં નાનાં બાળકો, આવોને આજ
આપણી આ દુનિયામાં આપણું છે રાજ. – વ્હાલાં૦
તરુવરને વાવજો,
ફૂલછોડને વાવજો, નાની શી વાટ,
આપણી આ દુનિયામાં ફૂલડાંની ભાત. – વ્હાલાં૦
મેહુલ શાં આવજો,
ખીલું ખીલું આવજો બહેનની સંગાથ.
જાણજો ને શીખજો નવી નવી વાત. – વ્હાલાં૦
ઢોલકના તાલમાં,
નૃત્યની ચાલમાં ચિતરજો ભાત.
નાનાં નાનાં બાળકોનાં નાનાં શાં હાટ – વ્હાલાં૦
કોયલના ટહુકાને
વીણી વીણી લાવજો સંભારી ખાસ
ભર્યા ભર્યા ખેતરના ડોલાવો ચાસ – વ્હાલાં૦