ભજનરસ/નઘરો એક નિરંજન નાથ: Difference between revisions

સઘરો સૌ મળ્યો રે, નઘરો એક નિરંજન નાથ જી,  

ઉપદેશ આપે એક્લો જેનું હારદ ન આવે હાથ-  

જેણે વણનમુને વિશ્વ રચ્યું અને વણમસાલે વીર જી,  

અવનિ રે દળ ક્યાંથી રે કાઢ્યું, ને ક્યાંથી કાઢ્યું નીર-  

તેજ તે તપતું કર્યું અને અનિલ કીધો અરૂપ જી,  

આકાશ કીધું અટપટું, એનો નુથરો કહાવે રે ભૂપ-

નુથરા વડે ગરવા ગુરુ તે, બાધે ગિરિના રે બંધ જી,

તે ખટ દર્શન થઈ ખટપટે, પણ અનુભવહીણા અંધ-  

તે સ્વે સાગર સઘરો કરે, જો મલી આવે આશ જી,

જેમ મૃગ મરાવ્યો મલપતો, પડે પશુને પાશ-

નુધરો નિત રહે નિર્મળો, જેને અંતર નહીં કશું આપ જી,

તે મણિની પેઠે ઝળઙળે, તેને તેજ પણ નહીં તાપ-

દિનકર વડે રાત પરખીએ, નહીં તો દિવસ નહીં રાત જી,  

નિર્વાણપદ નુથરા તણાં, નહીં વાણીની જાત-

રચના તો રચતો રૂંધી, માંહી નભ ન આવે જેમ જી,

તે ગુહ્ય રાખે ગોખલે, પણ પોત તે પસર્યું તેમ-

અધો ઉરધ ભૂમા થયું કો' જવલ્લે નહીં જોડ જી,

તેમ નુધરો નિરદાવે રહે, જ્યાં ઘટ નહીં ઘટમોડ—  

સન્મુખ થઈને સમજતાં, બોલે તો આવે વાત જી,  

વાદે વળગણ વાધતાં, ભાઈ, ધામ ન પાવે ધાત-

નુધરો તે સ્વે નરહરિ, જ્યાં દ્વૈત નહીં, નહીં એક જી,

{{right|જ્યમ છે ત્યમનું અખા, આ તો નેતિ નેતિનો શેષ—}}  

{{center|સથરો સૌ મળ્યો રે.}}