ગુજરાતી ટૂંકી વાર્તાકોશ/ચ/ચંદા

ચંદા

રમણલાલ વ. દેસાઈ

ચંદા (રમણલાલ વ. દેસાઈ; ‘પંકજ’, ૧૯૩૫) સરકારી અમલદાર વાર્તાનાયકને ચાંદની રાતે ફરવા જતાં ચંદા સામી મળે છે. એ કૂવે પડવા કરે છે પણ નાયક બચાવી લે છે. સાસુ આવકારે તો જ ઘરમાં આવે એવી જીદ કરતી ચંદા હકીકતે ચંદા નહીં પણ તેનું ભૂત હતું. ચંદાના એ ભૂતને ભેટવા તેનો પતિ કાનો કૂવામાં પડી આલિંગન પામે છે – એવું રંગદર્શી નિરૂપણ કરતી વાર્તા પ્રસ્તારી બની છે.
ર.