ધ્વનિ/પ્રેમના મંત્રનું કૈંક ગુંજન
Jump to navigation
Jump to search
પ્રેમના મંત્રનું કૈંક ગુંજન
પુ.પ્રેમના મંત્રનું કૈંક ગુંજન કીધું,
મુગ્ધ વનહરણ જેવી
તું મારી કને
શાન્ત નત-નેત્ર આવી ઉભી
વિવશ તું,
લુબ્ધ મેં એક ચુંબન લીધું.
સ્ત્રી.નહિ, ને તેં લીધ પિયા!
મેં જ કામણ કીધું.
મારી સૌરભથી પરવશ બની
ભ્રમર સમ
તેં મને મુખનું અમૃત દીધું.}}
પુ.મારી હતી લૂંટ-
સ્ત્રી.મારે અમીઘૂંટ-
પુ.મેં તો લીધી લ્હાણ.
સ્ત્રી.કે તેં દીધું દાન?
પુ.પ્રિય! કર્ગને અનુસરે ફલ.
સ્ત્રી.નહિ નિયતિનો પ્રેમને મંદિરે અમલ.
જ્યાં આપવું-
પુ.એસી અદકેરું તો પામવું .....
ને નહિ કાલનો લેશ વ્યતિક્રમ!
સ્ત્રી. કશું ઉત્તમ!
***
ને ફરી મુગ્ધ
મન ઉભયનાં
અધરનાં પાનમહિં લુબ્ધ.
૧૮-૩-૫૧