ગુજરાતી એકાંકીસંપદા/શરતના ઘોડા: Difference between revisions

જયપ્રસાદઃ એટલે મેં એમને તેડવા માણસ મોકલ્યું હતું. લગભગ સવા પાંચે આવશે એમ એમણે કહેવરાવ્યું છે.

ચન્દનઃ (ભીંત પરની ઘડિયાળમાં જોઈ) તો તો પાંચસાત મિનિટમાં આવવા જોઈએ.

જયપ્રસાદઃ (હાસ્ય વેરતાં) દાક્તરસાહેબ, સાત મિનિટ વહેલા આવ્યા ને શું?

અતુલઃ (ભીંતનું અને હાથનું ઘડિયાળ મેળવતાં) તમારું ઘડિયાળ સાત મિનિટ મોડું લાગે છે.

ચન્દનઃ જયભાઈને એ ચાલે. ક્યાં કોઈની નોકરી કરવી છે? સાત મિનિટ આમ કે સત્તર મિનિટ તેમ.

જયપ્રસાદઃ દાક્તરસાહેબ, બહારગામ જઈ આવ્યા?

અતુલઃ હા.

જયપ્રસાદઃ (સોપારી કાતરતાં) કાંઈ નવીન?

અતુલઃ ધીમે ધીમે કહું છું.

ચન્દનઃ જયભાઈ, પેલું પૂછી જુઓ ને?

અતુલઃ જયભાઈ, એ હકીકત સાચી છે.

જયપ્રસાદઃ (ડઘાઈ) કઈ?