ગુજરાતી એકાંકીસંપદા/શરતના ઘોડા: Difference between revisions

જયપ્રસાદઃ જે કહો તે. એનો હેતુ શો છે?

અતુલઃ કે બી.એ. તો થવું જ છે.

જયપ્રસાદઃ એટલે અમારે વરસ લગી રાહ જોવી એમ?

અતુલઃ (ખંધાઈથી) ન જ જોવી.

જયપ્રસાદઃ એટલે?

અતુલઃ ટૂંકમાં એ વિક્રમને પરણવા નથી માગતી. આ રહ્યો એનોય કાગળ.

જયપ્રસાદઃ (પગ પછાડી) તો પછી એ પાડા જેવડીને પરણશે કોણ?

અતુલઃ (ઠંકડથી) પરણશે. કોઈક પરણશે…

જયપ્રસાદઃ (તાડૂકી) પણ કોણ?

અતુલઃ કોઈ નહિ તો અતુલ.

જયપ્રસાદઃ (કપાળે હાથ મૂકી) આ શું કહેવાય? સુહાસિની નહિ મારા વિક્રમને, નહિ એના ઉમાને, અને દેવાદાર આ અતુલને પરણશે? અમારા પૈસા, અમારી પ્રતિષ્ઠા પર પાણી ફરી વળ્યું?

ચન્દનઃ (મનમાં) અરે! વળી શું થયું?