ગુજરાતી એકાંકીસંપદા/પથ્થર થર થર ધ્રૂજે: Difference between revisions

હરકાંત : એમ કે ? નસીબદાર છો. મારો તો... મારો તો અમેરિકા ગયો છે ને જાણે એનોં બાપજ મરી ગયો.

દ્વારકા : અરે, ઉડાઉ થઇ ગયો છે. શું દોમદોમ સાહ્યબીમાં ફરે છે. ગેટ ટુ ગેધર, સાંજે બોમ્બેલીમાં ૫૭૮ રૂપિયા ને ૭૬ પૈસાનું બીલ, અને એના બધાયે મિત્રો સાથે મને ઇન્ટ્રોડ્યુસ કરાવ્યો.

ગુલાબ : સાહેબ, બોમ્બેલી શું છે ? કોઈ ડાન્સરનું નામ છે ?

હરકાંત : ના હોટલ છે, મોંઘી હોટલ.

ગુલાબ : એરકંડિશન છે ?

દ્વારકા : ઓફ કોર્સ...

ગુલાબ : સાહેબ, એમાં ફાફડા મળે કે ?

હરકાંત : સાથે ચટણી પણ મળે... બેવકુફને બોમ્બેલીમાં ફાફડા ખાવા છે ?

દ્વારકા : અને બીજે દિવસે અમે એલિફન્ટા ગયા શું ત્યાનું શિલ્પ છે. પોતાની કલ્પનાના ટાંકણા વડે શિલ્પીઓએ પથ્થરને પણ આંસુ સારતા કરી દીધા છે. ઉર્મિના આંસુ !

ગુલાબ : અનિલે રજા કઢાવી હશે બે દિવસની.