પરોઢ થતાં પહેલાં/૨: Difference between revisions

‘ભલે ભલે…’ સુનંદાની ધીરજ એકદમ ખૂટી પડી.

શિવશંકર ચાલ્યો ગયો, પણ સુનંદા ને લાગ્યું, પોતાની અકળામણ પાછળનો તેના પ્રત્યેની અરુચિનો ભાવ તે પામી ગયો છે.

ત્રણેક દિવસમાં સુનંદા નવા સ્થળ ને નવા કામ સાથે ઠીક ઠીક ગોઠવાઈ ગઈ. અહીં કશું ખાસ ન ગમે કે સીધેસીધું ખૂંચે તેવું નહોતું. માત્ર શિવશંકર તેને કુમારથી તદ્દન ઊંધો લાગ્યો, એકદમ જ ઢંકાયેલો. એને સરખી રીતે ઓળખવા માટે કેટલાયે જુદા જુદા ખૂણેથી જુદા જુદા સમયે તેને જોવાથી જરૂર પડે.

કુમારે પણ કહ્યું : ‘દીદી, આ ગામમાં ઘણા સારા માણસો છે, અને ઘણા ખરાબ માણસો પણ છે. એમાંથી કેટલાક ખુલ્લા ખરાબ છે અને કેટલાક છાના. આ શિવશંકરથી સંભાળજો. તમે બહુ ભોળાં છો, એટલે આગળથી કહી દઉં છું.’