પોત્તાનો ઓરડો/પ્રકરણ ૨: Difference between revisions

વાંચતાંવાંચતાં હાંફી જઈને મેં પ્રશ્ન કર્યો – સેમ્યુઅલ બટલરે એવું કેમ કહેવું પડ્યું કે ‘બુદ્ધિમાન પુરુષો સ્ત્રીઓ વિશે પોતે શું વિચારે છે તે સ્ત્રીઓને જણાવતા નથી ?’ માથા પરના વિશાળ ગુંબજ પર નજર નાંખતાં હું ધ્રૂજી ગઈ. કેવું વિચિત્ર કે બધા પુરુષો સ્ત્રીઓ વિશે એકસરખું વિચારતા હોય છે ! આ રહ્યા કવિ પોપના ઉદ્ગાર “મહદ્ અંશે સ્ત્રીઓ ચારિત્રવાન નથી હોતી.” નેપોલિયનનું માનવું હતું કે સ્ત્રીઓ કેળવણી માટે અયોગ્ય છે. ડૉ. જોનસન આથી તદ્દન વિપરીત કહે છે :૧<ref>૧. “પુરુષને ખબર છે કે સ્ત્રી તેનાથી વધુ યોગ્ય છે. અને તેથી તે પોતાનાથી ઊતરતી, નબળી અભણ સ્ત્રી જ પસંદ કરે છે. જો પુરુષો આમ ન વિચારતા હોત તો તેઓ સ્ત્રી પોતાના જેટલી જ ભણે-ગણે તે બાબતમાં અસુરક્ષિત ન બનત...” આ ઉદ્ગાર બાદ ડૉ. જોનસને એમ પણ કહેલું કે પોતાના આ વિધાન વિશે તેઓ ગંભીર હતા – બોઝવેલ, દ જર્નલ ઑફ અ ટુર ટુ દ હેબ્રાઈડસ્.</ref> તેમને આત્મા હોય છે કે નહીં ? અમુક લોકો કહે છે કે સ્ત્રીઓને આત્મા નથી હોતો. તો વળી અન્ય એવું માને છે કે સ્ત્રીઓ અર્ધ દૈવી હોય છે અને તેથી જ તેઓ પૂજાય છે.૨<ref>૨. પ્રાચીન જર્મન લોકો માનતા કે સ્ત્રીઓમાં દૈવી તત્ત્વ હોય છે. અને તેથી જ તેઓ ભવિષ્યવાણી સાંભળવા તેમની પાસે જતા. – ફ્રેઝર, ગોલ્ડન બોવ.</ref>