બાળ કાવ્ય સંપદા/હીંચકો બાંધ્યો મેં
હીંચકો બાંધ્યો મેં
લેખક : માલિની શાસ્ત્રી
(1935)
હીંચકો બાંધ્યો મેં તરુવરિયા ડાળ,
હીંચકાની પાટ પરે ગોળ ગોળ કડલાં,
ગોળ કડલાંએ બાંધ્યા હીરગૂંથ્યાં દોરલા.
દોરલા ઝાલીને હું તો હીંચકીયે ઝૂલું,
ભાઈલો ચગાવે મારા હીંચકાને આભલે,
હીંચકો ચગે ને અડે આભલાને ચાંદલે.
આભલેથી તોડ્યા એણે ચમકંતા તારલા,
હારલો પે’રીને હું તો ગરબામાં ઘૂમતી,
મંદિરમાં જઈ હું તો માતાજીને નમતી.
ગરબા રમીને હું તો હોંશભેર થાકી,