ગુજરાતી એકાંકીસંપદા/શરતના ઘોડા: Difference between revisions

 

જયપ્રસાદઃ ના. (ચન્દનને) જે કામ કરવાનું છે તે એને સમજાવ અને તાબડતોબ જવા કહે. ગાડી ચૂકશે તો વળી બાર કલાક મોડું થશે.

અલ્યા ધનજી, તને અહીં ગમે છે કે? કહે જોઉં, તને નીલકંઠરાય સારા લાગ્યા કે હું?

(ધનજી શરમાઈને અનુત્તર રહે છે.)

તું હવે તેમને ત્યાં જાય છે ખરો?

ધનજીઃ કોઈ વાર બોલાવે તો જાઉં.

જયપ્રસાદઃ ત્યારે મને વાત કેમ નથી કરતો? આપણા ઘર બાબતે કાંઈ પૂછે તો કહેવું નહિ, હોં.

ધનજીઃ હંઅ.

જયપ્રસાદઃ અને ત્યાં જે જુએ તે મને જરૂર કહેવું. એટલા માટે તો બે રૂપિયા પગાર વધારીને તને અહીં રાખ્યો છે, સમજી ગયો?

ચન્દનઃ માંડ માંડ વળાવ્યો, કહે કે ઘરમાં પગ પાક્યો છે. તોય ધક્કેલ્યો.

જયપ્રસાદઃ (હસતાં) ચન્દુ, તારું કામ કાચું નહિ હોવાનું.

ચન્દનઃ તમારે જે કાંઈ કામ હોય તે મને જ સોંપવું. મારાથી ન થાય તો પછી બીજાનું મોં બોલાવવું. સમજ્યાને, જયભાઈ?